بصرخ وصوتى فى الفضا عالى
فينكم ياعرب ولاانتم عزالى
انا صوتى منى انشرخ
واتشرخت جدرانى
بيبيعوا فيا ويشتروا
قلولى فينكم ياعرب
هويتى عندكم ايه
بصرخ وصوتى فى السما
ملقتشى منه غير صدا
اشجب ياعربى ودين كمان
اهو كله ماشى وبالتمام
سيبوا الصهاينه يدنسونى
سيبو الصهاينه يهودونى
المال عماكم ولامتشتتين
انا اللى ماعنت شيفاكم
قلولى دينكم ايه لساكم متاسلمين
لساكوا ليه خايفين
خايفين على المناصب
ولاعلى الكراسى
قلولى ياعرب
انا ليكوا ابقى ايه
تاهت معالمكم ونسيتو ليه دينكم
غرتكم الدنيا تهتم فى اموالكم
ضحكت عليكم خلتكم خدامها
ياامة الاسلام اشعلى البركان
غضب المناضل صبيه فى كل مكان
ان الاوان ياعرب نصحى نفوق
لساكو هتفكرو ولاالقرار اتعد
خلى الصهاينه يعرفوا
ان العرب اليوم قرارهم جد
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه