.... شوبش ياسيدنا الولي... بقلم/شيرين ابوعميره
فُتح المزاد ... يا فُلالي
قلوب... انتيكا للبيع
مين يبيع ... مين يشتري
قلوب تتوزن ..بدهب ومال
وقلوب تشيل حمل الجبال
قلوب أصيله مش خيال
قلب خان .. قلب اتوجع
وقلب عمره ماباع.. لكنه إتباع
وقلب...... له اَتباع
ماشي في البلاد دوريش
وقلب لمين هيعيش
وقلب متزوق وخالي
وقلب بيعد الليالي
وقلب ..... بطيبته ماتلاقيش
وقلب خوَخ .... قلب شاب
من كتر ما شاف مر وعزاب
على اونا على دوي على تري
فُتح المزاد يا فُلالي
قلبك بكام ... بحبة ريش نعام
اقولك .... انسي الكلام ونام
متدوسش علي الوجع
وتزود الآٰلالم✍️
بقلمي شيرين ابوعميرة
تعليقات
إرسال تعليق