دفعة كام؟
كان يا ماكان
كان في زمانه
أول دفعة
وأه يا سلام
قال متفوق
قالوا عبيط
حلمه كان يبقى معيد
راح الباشا ويّا البيه
قالوا استنه
كمل قَبلة وبكرة تعالى
و إحنا معاك مش ناسيين
جنبك بكرة نكون واقفين
قال أتوظف أيُها شُغلة
بكرة أكمل دراسات عُليا
عُليا وعَليا
ضحكوا عليه
بعد ما أخدوا منه شبابه
صفوا فلوسه جوّه دولابه
سخروا وقالوا
إرجع يا بني زي ماجيت
دي لولدنا ولأحفادنا
لا مش سيبة
هي نهيبة
أه حجزنها
عندك مانع
إصرخ صوّت
شوف مين سامع
ولا هيعبر غير الحيط
ياله يا عمي لِم حجاتك
رُوح لوظيفتك هي مَقاسك
إرجع دلدل فيها ودانك
وإمسك فيها إبرة وخيط
رقّع حلمك بالشخابيط
من مذكرات نجوايا
بقلمي :د/نجوى رسلان
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه