****************
في كل لحظة يا سادة
كلنا عايزين سعادة
لو بنملك نشتريها
ولو هندفع بالزيادة
السعادة لكل طيب
قلبه مليان بالحنان
ماشي دايماً بإبتسامة
وجنبه بنحس الأمان
السعادة للغني
لو مرة حس بالفقير
لو مد إيدة بالمساعدة
قلبه م الفرحة يطير
السعادة لكل شاكر
بيعترف بفضل ربه
في الصلاة بيرفع إيده
يرتجي رضاه وحبه
السعادة لكل مخلص
عمره ميفكر يخون
قلبه دايماً مش أناني
عمره ما تزوره الظنون
السعادة لكل عابد
قلبه بايع دنيته
ماشي فيها بالتجاهل
حرصه كله في أخرته
السعادة لكل راضي
وكل مؤمن بالنصيب
كل طامع فيها عايب
سعيه فيها راح يخيب
السعادة بالمحبة
لمَّا تسكن القلوب
زرعها راح يفضل أخضر
قلب خالي من الذنوب
السعادة في كل مرة
فيها نجبر بالخواطر
أو في حلم بتحلمه
عشانه تركب المخاطر
دياب محمود حسن
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه