حجاب محبه (415)
.................
دقيت على باب بيته
ما رديش
ولا جالي جواب
أيه اللي جراله
ده مش عادته
يقفل لأبواب
ده يوماتي بغرق باب بيته بمحبه إن غاب
والشيخ أشتوت سره ده باتع وفاتورته عذاب
سنتين وأهو
لم التحويشه
وفلحظه وداب
عشيمني بليل كله أماني
أتاريه كداب
خلاني أأمن وأسلم
وأفتح له حساب
علشان يتقدم يخطبني
ونكون أحباب
بعت له في خواتم وغوايش ونهبني وغاب
عايشني في حلم معاه ناسيه العمر وشاب
غمضت عيوني
وأنا حاسه هيكون كداب
ومش أول واحد يخدعني أتاريه نصاب
وضغوط الأهل وحواديتهم
ليه حظك خاب
وعيون الناس مر
كلامهم بين ضرس وناب
خلوني أضحي وأتحايل
وأهرب لعذاب
كان ناقص أبوس أيده ورجله ويدق لي باب
معقوله إتغير كده حالي
حاضنه فى أوهام
ونصيبي وقسميتي رهناهم بعمل وحجاب
وأهجر من عيشه العزوبيه وأتسمى مدام
راجل يا إخوانا أدعوا
معايا الأقيه عالباب ..
لا أهو نافع أشتوت وحجابه كل دي أوهام
بقلم .. صبري رسلان
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه