عبدالله رجب ابوعدنان
يا صندوق الحظ ميل
مفيش مره تعدل
معاك ما فيه ازاي و علل
بتتسحب من جنبي و تتسلل
كأنك ما تعرفنيش
بتحب ناس وتبوس
وعلى ناس تدوس
هوا انت اللي قالو عليك منحوس
ولا احنا ف عصر المجوس
وشهيد لقمة العيش
رقاصه بترقص على طبلة
خلاص ما عادتش فارقة
ودنيا غازيه وهبلة
انا مجرد شاعر بدور على نغمة
لا سمسار ولا تاجر حشيش
صندوق الحظ جواة توابيت
عربية وفيلا وورق بنكنوت
وبنيت م الشعر ألف بيت
لكن دخان الهم بيطلع من النخاشيش
صندوق الحظ افتكرني
دوست على صباعي
وانا اللي كنت فاكر يفرحني
اتاريني زادت أوجاعي
ولا كلمه حلوه تفرحني
ومن قلمي عملت شراعي
ولميت أشعاري ف النيش
يا صندوق الحظ منين اتعلمت الأسى
أبكي على فراقك ولا صاحب نسى
ولا ع المحبة اللي بقت جفا
ولا على لحظة دفا
ولا على عمر راح فاشوش
على بابك دبحت كام قصيدة
وفيها ايه لما نحلم بسنة جديدة
وابص لكتير حوليا كلهم ع الحديدة
اكتم جوايا وجعي و التنهيدة
واتمنى لو ما تزورنيش
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه