في حتت كتير ناجح قوي
طيب حنيّن بالقوي
ولو اجتهدت وكان غلط
مع نفسي متصالح سوي
باسند على جرحي وأقوم
صامد دراعي ما يلتوي
عندي الجراءة اني اعتذر
من غير ما ابرر باحتوي
باضحك واوزع في النكت
لو حتى قلبي بينكوي
الناس تشوفني تقول سعيد
وانا م المرارة بيرتوي
أنا في العموم انسان بسيط
وحكيم بنكهة فهلوي
تفهمني بالحب احتويك
لو لأه كله بيستوي
....... خميس نصر
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه