احكى وقول عن قلب مايعرفش جرح الطيبين
قول عن قلة أصلها وقت ماكنا جنبها واقفين
قول عن أد ايه قدرنا واهتمينا وقدمنا خير وكنا مخلصين
قول ياقلم ساكت ليه قول عن اللى جواها جايباه منين
قول كام مره تكسر خاطر وكام مره تنسى جمايل سنين
متحكى ياقلم عن غرورها بتتحدى الشمس ونورها وقلبها مش امين
ياما كنا سندهم وقت الشده وكنا الظهر وقت ماقالو محتاجين
ياما قدمنا الخير بس للاسف خساره فيهم. حتى الحنين
احكى ياقلم ساكت ليه كام عتاب استهانت بيه ودى هتفهم العتاب منين
دى اللى بتقول يالانفسى وعلى الكل بتعلى وتقسى دى متعرفش تقدر قيمه الطيبين
عجيبه عليك ياقلم بحكى مع نفسى يلا اكتب واحكى وسجل كلمتين
رد القلم حزين وقال عايزنى اقول ايه بس يامسكين
دى خساره فيها حبرى وخساره فيها تعبى وخساره انى عشانها أضحى حتى بحبه حبر صغننين
دى جسد من غير قلب إنسان من غير روح دى الحجر يحن عنها ويلين
دى تجنبها مكسب وقول لقلبك ولا تفكر فيها ولا تتعب أصلها مش هى اللى تستحق الاهتمام والحنين
بكره هتلاقى اللى يكسرها ويجرحها بنفس خنجرها خلى الزمن هو اللى يقول كلمتين
آسف خساره تضيع وقتك ووقتى مع واحده متفهمش قيمه حرفى وبكره هتندم بدموع العين
سكت وسكت قلمى وهدء معاه وجعى وألمى وقررت انى اطرد من جوايا كل رخيص وكل اللى ميقدرش الغالى والثمين
حوار مع قلمى
مرثا بولس
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه