،، العهد،، بقلم،، عبدالله رجب ابو عدنان
عبدالله رجب ابوعدنان
مسلم أو مسيحي
أنا افديك بروحي
كلنا ولاد الأرض ديه
سنين واحنا مع بعض
مين يقدر يغير العهد
مين يقدر يفرقنا
والدم عمره ما يبقى ميه
مهما اختلفت الأسامي
كل ما اقع الاقيك قدامي
وبتاخد باديا
انا مؤمن بكل الأديان
انا بشر انا إنسان
انا ليك وانت ليا
ضحكتك هيا ضحكتي
تشاركني ف أحزاني قبل فرحتي
وافرح قوي بالهدية
دافعت عن ترابها بدمك
أمي تشبة أمك
مهما تعلى وتكبر
انا معاك بكبر
والفرحة ف عنيا
قلبك طيب ومسامح
بالمحبة دايما صابح
عمرك ما تقول كلام جارح
ف حب وسلام
ومن سبع آلاف عام
خير لكل البشرية
احمد أو مايكل أو مينا
نزرع ونحصد المحبة فينا
وصانا عليك محمد نبينا
وبكل الرسل والأنبيا
عيدك هوا عيدي
صاحبي وجاري وحبيبي
حبك قدري و نصيبي
وف عيدك ليك مني اجمل تحيه
مفيش فرق بيني وبينك
انا بحب ديني وانت بتحب دينك
والحب والتسامح على جبيني وجبينك
وف القرآن و الإنجيل وكل الكتب السماوية
العهد.
عبدالله رجب ابوعدنان
تعليقات
إرسال تعليق