،، غريب في الدنيا،، بقلم،، عزت القليوبي
بقلمى انا عزت القليوبى
♕♕غريب فى الدنيا♕♕
ماشى يادنيا ومتغرب. ومن زمانك بتهرب
والعمر من ايدى بيجرى. والفرح عمره مابيقرب
عايش معاكى ومش عارف من بكره ليه ديما خايف
وعيونى من كتر دموعي خلونى ماشى ومش شايف
احبابى بينى وبينها بلاد. وجرح قلبى فى جرحك زاد
وان قلت ارجع من تانى. اللقا اللى كان يرجع يتعاد
حتى اللى قلبى كان بيته. ومن الزمان ياما داريته
خلانى اندم على أنه عرفتة قوى يوم حبيته
ونسيت زمانه وعنوانه. وبعت الدنيا على شانه
وبقيت خلاص زى التايه. اللى مايعرفش مكانه
وصحبتى تاهت منى. ماظلمتهمش وظالمينى
ولما دار بيه زمانى. دلوقت مابقوش عاوزنى
لا جم فى يوم سالو عليه ولا مدو ايدهم ف اديه
وسابونى فى السكه لوحدي مش لاقى احباب حوليه
لا لقى حب يدفينى. ولاقلب طيب يواسينى
وعايز ارسى على شطى. مش لاقي حاجه تعدينى
بقلمى انا عزت القليوبى
تعليقات
إرسال تعليق