كنا في الجيش
بنقول علية جرايه
وبعد ما طلعنا
لاقيناه بقي قصه وحكايه
بقي بالزحمه والطوابير
وبعدين خلوه بالبطاقه
وكمان صغروه حبتين
قولنا وماله ومش حكايه
والعيش والملح
بلاش رغيف العيش
ومن هدومنا ما تطلعوناش
هوا دا بروتين الفقير
وما بقاش عندنا غيره
لانه طري علي اسنانا
عشان اللحمه غاليه
وبعدين بتوجع سنانا
والعيال ما بيحبوهاش
بس عشان ما اكدبش عليك بنجيب عضميتين
بنعمل عليهم شوربه
وشوية فته بالخل والتوم بردو بالعيش
حتي العضم بنشتريه
والله ومش ببلاش
اكل الكلاب بنشتريه
العضم مش ببلاش
الرحمه شويه بقي
رخصوها
مش عايزينها ببلاش
ولا هانقول لله يامحسنين
بس انتوا ما تحوجوناش
سيبولنا بقي الرغيف
واللحمه ما بنحبهاش
وربي يخلي المحسنين
في العيد ما بينسوناش
بس انتو اوعوا تنسونا
وما تسيبوناش
احمد محمود
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه