،، سلمت روحي لك،، بقلم،، أ، دحمان سالم لماوي
سلمت روحي لك يانبع المحبة
انت وجه السعد وانا نبغيك
انا لي رب كريم وانت عمدة
القلب بين الضلوع راه يناديك
لو طالت الأعمار اعطيني ومضة
كيف حرف السين به سلمت عليك
لاتبخل عني بسمتك ياخير الصحبة
الحب فالله يا سري عمره مايعريك
ويزيد كل يوم يوطد بينا المحبة
انا من نهار اعرفتك مانخطيك
قلبي والف ياسعدي راهي مجربة
اخترت السين من السلام نوريك
راه اسم الله نوريامنبع المحبة
خيرتك من كل العالم مايكفيك
كون ارطيب ولا تقسو بالغربة
انا عندي حسن بالرب مايخليك
صفي قلبك للكل ماتصيبك غمة
الرب قادر من السين يوريك
سبح وسمي لله في كل محنة
نختم أعمالي بالاستغفار نهديك
ياحلاوة العمر انزاحت العتمة
ياسعدي بالله خير مايعطيك
الحب فالقلب هوالضوء فالظلمة
اعرف الله ياصاح تفنى مايخليك
هذا قولي يا خلي ونبع المحبة
انت حنين والله ما يخليك
راني سلمت روحي يانبع المحبة
نرافقك حتى للجنة راني نبغيك
تعليقات
إرسال تعليق