سنة جديدة علي الابواب
يارب منشوف فيها احزان
ولا نفقد فيها اي احباب
وتيجي بخير وسلام وأمان
ياكل باحث عن الله اوعي
تبحث عن فشخرة كدابة
وابحث عنه في بطون الجوعي
يكرمك ربنا بدعا الغلابة
برغم الوجع والالم
بحاول واعافر اكتب
بكل حروف الكلام
وبرسم منظوم ومرتب
امانة عليكم ان مت
الاقي حد يدعيلي
برحمة من ربنا
وكل دعاء طيب
بعد البشر بتشوفه
زي البحر
لطيف في شكله
وهادية امواجه
لكن ان غصت فيه
ونزلت تحت
تلاقيه علب فارغة
من اعماقه
لو تعرف مشاوير الغربة
متتغربش
وتاكلها بدقة في وسط عيالك
ومتبعدش
عنهم .دا تمنها وحدة وهم
وحزن وفكر
نصيحة بلاش حتي ان
غمست العيش بالمش
دكتور ابراهيم القماش
مصر
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه