فيك الحزن بيعلم
فينا سنين
أصل الوجع لو يتكلم
يقولها لمين؟
وإنت يا خالة شقيانة
ومن الحامدين
على الرصيف و بتحاربي
وراس مالك حبوب نابتين
يقسوا عليك بزيادة
و الفقر عويل كالعادة
قهره فيها بيدغدغ
ضلوعها أنينها يتمرغ
عاشت راجل وحمَّالة
تقول وحيدة في الغابة
لغموس اللقمة عرقانة
شق الفجر فيها الليل
بشراب الصبر مليانة
مهما كان الفرح قليل
ومهما الجسم يتألم
منها هزيل ما يتكلم
لاست هانم
و قالوا فيها نتغزل
السعد ليها بيخاصم
ولفرشتها بيعزل
وآه يا خالة
#نجوايا
بقلمي :د/نجوى رسلان
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه