شقشق الفجر
وانا راجع وشايل
اخويا اللي اتقتل غدر
بصرخ ونادي
بأعلي صوت علي الولد
ابن البلد
حسين مات يابلد
موتت ياحسين
قتلوك ياولد
دا لسة جايلك خبر من البلد
مرتك سعدية جابت ولد
طب ذنبة ايه االي اتولد
يصبح يتيم ويعيش حزين
وحياة الغالي والنفيس
هاخد بتارك ياعريس
ايوه عريس
ماهو لسه ما كمل سنه
يبقي عريس
عريس
والليلة حنتك
والفرحه تبقي في جنتك
لأنك شهيد
بطل وشهيد
احمد محمود
ليست هناك تعليقات:
إرسال تعليق
دار نشر تحيا مصر 🇪🇬للإبداع. اصدارات الكترونيه