بقلم الشاعره المتألقه... قصيدة كتبتلك مراسيل كتبتلك كل يوم مرسال وكل مكتوب كان ليه عنوان مرة عتاب ومرة لوم وأحيانا بيكون اشتياق وحنين مكتوب بدمع العين كنت انت بتحس بيه من غير كلام كانت الكلمة الصادقه بتداوي فيَّ جراح كنت أنسى معاك ٱلامي وتعب سنين عدت علي من غير هواك كنت بابني أحلامي وكأنك معايا في يومي ونهاري وليلي وكل الأوقات ...... كتبتلك مراسيل قد عمري كله اللي فات حكيتلك عن حياتي عن طفولتي وعن سنين عدت من عمري نسيتني إسمي و نسيت معاها إنه الحياة لازم تتعاش بحلوها قبل مرّها وانه مش لازم نضعف او نستهين بالناس ........ في رسايلي ليك قلتلك ع اللي في قلبي وكأني بكلم روحي اللي رجعتلي من بعد ماهجرتني وسابتني في وسط الزحمه أبص فيها ع اللي اتغير وغير جلده معاه كأنه بيغير في طقم أو جذمه عشان يروح مشوار وحكيتلك كمان ع اللي اتهان من غير سبب ذنبه الوحيد انه مابيرضاش بالظلم وبتصعب عليه نفسه لو حد في يوم اتهان ... كمان حكيتلك على نفوس كل همها انها تفسد قلوب الناس......... زي الوسواس الخناس تفضل تضرب تقلب في وشوش الناس ..... وتقضي يومها وحياتها تجيب في سيرة الناس....... لقيتك في رسايلك بتهدي فيّ ، واتعلمني ازاي أتخطى كل حاجه تقلق الراس ..... علمتني ازاي أبقى هاديه ومش اي حاجه تخليني اتعصب أو إني أفقد اجمل مافيّ وهو الإحساس ..... علمتني ازاي أتعامل مع عديمي الإحساس .... وازاي تبقى ابتسامتي على وشي من غير ماحد ينداس...... وعلمتني كمان أحب كل الناس وأحب الكلمة الحلوة اللي بتطلع بإحساس .... وأعشق السكون والهدوء ولو كنت في وسط زحمة الناس علمتني ازاي ادور على نفسي في كومة مشاكل تدوخ الراس ازاي أخرّجها من اللي هي فيه وكأنه ٱخر الأحزان ..... لقيتك كلك إحساس إنسان جميل وراقي وزوء بتعرف ازاي تمتص غضبي ،حزني او زهقي تعبي او أرقي وتخليني أضحك من غير مازوء في الكلام أو إني اضبط في الميزان علمتني أبقى عفويه ابقى أنا ،، زي مااأنااا زي ماانت شايفني مختلفه عن كل الناس .... علمتني إني كل إحساس جوايا قد ايه بيكون صادق ونابع من قلب صادق يعلّم ع الناس .... علمتني في رسايلك إني الضحكه ببلاش والفرحه ممكن تتعاش وإنه اللي يحب يحب بضمير ويشوف حبيبه ألماس وإنه حب الروح أسمى حب وأروع إحساس بيفضل ساكن القلب من غير مايطلب ولا يتمنى وكل منيته في الحياه إنه يعيشها بإحساااااااس.... بقلمي ✍️ الكاتبة المتألقة 🌕 light 🌹🌹🌹