فنون الفزلكة ياعم انا مش فيلزوك ولا صدا ولا هالوك انا حد أصلب من الفولاذ وأشف من وش القزاز وأرق من خد النسيم وأحر من جمرة جهنم لما حاكم يستبد انا كلى لعب وجد جد وبصون حواديت البشر اللى نشر واللى اتنشر وتمس أرضى تشوف كشر صقر بمخالب أهبشك بقع واقوم كأخف قرد جدع وفى ولا اخونش عهد وبحب كل الأنبيا والأوليا والزرع والطير والسما وألون الورد الحديد فضة ودهب وابكى التاريخ الذى ذهب واقفز لبكرة وكلى احساس بالمغامرة والحياة وسط الجنود انسان بسيط عريان ولا يلمسنى حد اصول واجول فارس جميل وانا بصطدم أعشق وادب تلعب فى سينا المنسى واقف دمه يحرق أى حد وتقول هنعطش ماشى قرب دوس علينا ياعم جرب واللى هتشوفه ماينفع يتحكى كل الحكاية يابن عمى اللى بيقول مابيعملش واللى بيعمل مابيقولش احنا اللى كلنا الدود بمش وحشينا مصران وسلقنا فشة كحتنا كرش وصمتنا راس وظبطنا كارع ودبغنا جلد كل الحوايا معايا يابن المهشتكة فاثبت معانا واتظبط قول تحيا مصر صلينا على نور النبى للعدرا ولعنا الشموع وأوينا موسى والمسيح ونحتنا بوذا فى الجناين وعشقنا كل شعوب الأرض يصعب علينا حد يتكلم فى موضة واحنا كحل عيوننا لسة بيبتسم من يوم ما قالوا فيه بشر ظهروا وحفظنا ايات ربنا فى كل العصور ولا يوم تركنا الأرض بور ولا يوم نفرط فى الزهور والست عندنا أغلى ملكة فى الوجود ناخد وندى فى اللغات والفكر صاحى ماعمره مات ونحس بالموجوع قوى ونذوب فى صهد الثلاجات ونحرك الصخر الجماد ننحت تضاريس الوجود جسم البنات هنا الشجر اجمل شعور هنا السهول وهنا الهضاب وهنا الجبال وهنا العيون الملهمة سحر المدى وهنا الك هوووووف نعزف ونكتب نتفق على عربدة جماعية نشرب فى الفرح كل المشاريب اللذيذة واللى مش عاجبه انتحر ياولد عمى انت مش عارف بلدنا فيها ايه فيها احلى خلق وهما هما اكبرخازوق تقعد عليه كل ده ولا حاجة جنب الطيبين اللى يموتوا مايظهروا دمعة عينيهم فالزم حدودك وافتكر كل اللى ليهم قبل الأوان مايفوت وتندم ع اللى راح وانت قادر تلحقه شوف الأمانة والرجولة بنبهك وقبل ما اجى ابهدلك خايف عليك الأن القاهرة فى 2020/8/1 ثانى أيام عيد الأضحى المبارك